Mbrëmjen e së enjtes, këngëtarja Miley Cyrus publikoi këngën që pasqyron vitet e saj kur gjykohej teksa ishte në qendër të vëmendjes, dhe këngën e ka shoqëruar me një video në të cilën ajo derdh lot.
Kjo këngë nuk mbeti pa u komentuar nga adhuruesit e saj. Ata e cilësuan këngën “Used To Be Young” si një kryevepër, dhe këmbëngulin se balada është kënga e vitit.
Në Twitter, një person shkroi: “Miley Cyrus më bëri të qaj me këngën e saj të re ‘Used to Be Young’. Është një pasqyrim kaq i bukur dhe i sinqertë i rrugëtimit dhe rritjes së saj. Ajo nderon të kaluarën e saj, e do të tashmen dhe feston të ardhmen e saj”, shkruan Daily Mail.
Edhe përdorues tjerë, fansa të këngëtares, projektin e saj të fundit e cilësuan me fjalët më të mira të mundshme.
Kënga vjen pasi Miley u emocionua teksa fliste për babanë dhe nënën e saj, gjatë një emisioni special që u transmetua të enjten në ABC.
Gjatë atij emisioni një orësh, këngëtarja promovoi publikimin e këngës së saj të re “Used To Be Young” që u bë e disponueshme pas transmetimit special.
[caption id="attachment_851026" align="alignnone" width="2560"]
WEST HOLLYWOOD, CALIFORNIA - MARCH 09: Miley Cyrus attends the Versace FW23 Show at Pacific Design Center on March 09, 2023 in West Hollywood, California. (Photo by Arturo Holmes/Getty Images)[/caption]
