Ministri i Jashtëm suedez thotë se ka shpresë se Turqia do të ratifikojë anëtarësimin e Suedisë në NATO, kur parlamenti i Ankarasë të mblidhet në tetor, siç deklaroi presidenti Erdogan.
Tobias Billstrom u tha gazetarëve se qeveria suedeze nuk ka pasur asnjë sinjal gjatë verës për ratifikimin e anëtarësimit, shkruan Al Jazeera.
Suedia aplikoi për anëtarësim në NATO vitin e kaluar në përgjigje të pushtimit rus të Ukrainës. Ndërsa shumica e anëtarëve të aleancës ratifikuan ofertën e saj, Turqia nuk e ka bëërë ende diçka të tillë, duke përmendur shqetësimet për bashkëpunimin e sigurisë.
Por pas muajsh presioni, Erdogan tha pas një samiti të NATO-s në korrik se do t’ia përcjellë parlamentit ratifikimin e ofertës suedeze për NATO-n në tetor.
Megjithatë, nuk ka asnjë garanci që Suedia do të marrë dritën jeshile
