Është vënë në pranga 19-vjeçari me inicialet E.Z, pas aksidentit fatal që i mori jetën 50-vjeçarit me inicialet I.D.
Ngjarja ka ndodhur rreth mesnatës në lagjen nr 17, ku “Benz”-i i drejtuar prej 19-vjeçarit ka përplasur 50-vjeçarin si këmbësor, i cili prej dëmtimeve të marra, ka humbur jetën në spital.
Njoftimi i Policisë: Durrës
Aksidentoi një këmbësor, me pasojë vdekjen, arrestohet në flagrancë 19-vjeçari.
Specialistët e Sektorit të Qarkullimit Rrugor të Drejtorisë Vendore të Policisë Durrës arrestuan në flagrancë shtetasin E. Z., 19 vjeç, për veprën penale “Shkelja e rregullave të qarkullimit rrugor”, me pasojë vdekjen e një personi.
Rreth mesnatës, në lagjen nr. 17, automjeti tip “Benz” që drejtohej nga 19-vjeçari, ka përplasur shtetasin I. D., rreth 50 vjeç (këmbësor), i cili për shkak të dëmtimeve të marra, ka humbur jetën në spital.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
