Mijëra abonentë të kompanisë telefonike “One” janë zgjuar pa shërbim ditën e sotme në telefonat e tyre.
Shumë prej shërbimeve të ofruara nga kjo kompani, thirrjet telefonike, mesazhet apo edhe shërbimi i internetit nuk kanë qenë të disponueshëm për qytetarët.
Në rrjetet sociale, përfshi edhe faqen e kompanisë në Facebook qytetarët shprehen të indinjuar nga mungesa e njoftimit nga “One”.
Lapsi.al u interesua pranë dyqaneve "One" dhe numrit të shërbimit të klientit. Sipas kompanisë, po bëhen riparime teknike me qëllim përmirësimin e shërbimeve.
Kur janë disa orë nga ndërprerja e shërbimit, kompania ende nuk ka reaguar publikisht për problemet e shkaktuara, por as institucionet shtetërore përgjegjëse për mbrojtjen e konsumatorëe nuk e kanë bërë një gjë të tillë.
©LAPSI.AL
