Kryeministri Edi Rama ka folur sot dhe për shërbimet online të Kadastrës.
Rama ka kundërshtuar konstatimin se kalimi online i shërbimeve ka sjellë shumë probleme për qytetarët dhe noterët. Ai tha se faktet flasin ndryshe dhe se numri i shërbimeve është shumë më i lartë, duke i cilësuar shumë noterë hiena.
Kadastra e kthyer në online është një makth për qytetarët, për noterë, për real estate, nuk marrin dot shërbime dhe iu janë shtuar edhe kostot, ka qenë një nga nismat tuaja që ju e keni promovuar, por duket se dixhitalizimi në Kadastër nuk po funksion?
Edi Rama: Çudi sepse faktet flasin ndryshe, nëse shihni volumin e shërbimeve të dhëna nga Kadastra që kur ka kaluar në këtë sistem krahasuar më parë është shumë më i lartë, i shërbimeve të dhëna. Natyrisht është një sistem që noterët i nervozon, patjetër. Shumë të tjerë që i kanë qëndruar rreth e rrotull Kadastrës si hiena janë jo të nervozuar, por shumë të agresivizuar dhe mbi të gjitha ky sistem kërkon pak punë në fillim kur fillon ta përdoresh.
