Dita e mërkurë, do të shënojë edhe kulmin e valëve të të nxehtit afrikan në territorin Shqiptar duke ngjitur termometrin në mbi 40 gradë C. Përsa i përket kushteve atmosferike; mot i kthjellët dhe i nxehtë do të dominojë në të gjithë territorin e vendit. Orët e pasdites do të sjellin vranësira në zonat malore përgjatë shtrirjes lindore duke rrezikuar rrebeshe shiu afatshkurtra. Pritet që vlera më të larta të shënohen përkatësisht në qarqet: Elbasan, Berat dhe Gjirokastër ku termometri do të ngjitet deri në 40 apo 41 gradë C.
Temperaturat e ajrit mbeten të larta si në mëngjes dhe në mesditë duke luhatur vlerat ditore nga 18°C deri në 41°C.
Era do të fryjë e lehtë me shpejtësi 28 km/h nga drejtimi Perëndimor duke krijuar në brigjet detare dallgëzim të ulët.
Kosova
Masat ajrore të thata dhe të nxehta do të karakterizojnë kushtet e motit edhe në republikën e Kosovës ku orët e paradites do të jenë me diell dhe temperatura shumë të larta. Ndersa gjatë pasdites pritet kalim i vranësirave të pakta në territor ku më të dukshme do të jenë në zonat veriore dhe veriperëndimore. Parametri i erës nuk do të jetë problematik, ndersa temperaturat e ajrit do të ngjiten deri në 35°C.
Maqedonia e Veriut
Republika e Maqedonisë së Veriut do të mbizotërohet nga moti i kthjellët dhe i nxehtë gjatë gjithë 24 orëshit, por orët e pasdites do të sjellin vranësira të lehta e kalimtare në pjesën më të madhe të republikës së Maqedonisë së Veriut, por nuk priten reshje. Parashikohet që mbrëmja dhe nata të largojnë gradualisht vranësirat duke rikthyer moti e kthjellët në të gjithë territorin e MV. Temperaturat e ajrit do të rriten ndjeshëm duke shënuar vlerën 40 gradë C në qytetin e Shkupit.
Europa
Nën ndikimin e kushteve të qëndrueshme atmosferike, paraqitet pjesa më e madhe e kontinentit Europian ku moti i kthjellët dhe temperaturat e larta do të jenë dominante. Konkretisht në rajonin e Mesdheut, gadishullin e Ballkanit si edhe jugun e Italisë ku priten vlera mbi 40 gradë C, kjo si pasojë e valëve të nxehtit afrikan. Ndërsa zhvillimi i një qëndre ciklonare në veri – veriperëndim të Europës do të sjellë vranësira dhe shira intensivë ku herë pas here do të jenë në formë shtërngate përkatësisht në: gadishulli Skandinav, rajonin e Balltikut, ishujt Britanikë si edhe disa zona të izoluara në Alpet e Europës.
