Britney Spears dukej e dëshpëruar vetëm disa ditë pas ndarjes së saj tronditëse nga bashkëshorti Sam Asghari.
Këngëtarja e "Toxic" u pa mbrëma të premten vonë në fotot e marra nga Daily Mail duke ngrënë në Dave's Hot Chicken në Oxnard, Kaliforni. Spears kishte një pamje të zymtë në fytyrën e saj teksa doli nga restoranti me ekipin e saj.
Dalja vjen vetëm disa orë pasi këngëtarja e "Gimme More" foli publikisht për herë të parë për Asghari ,i cili paraqiti kërkesën për divorc duke përmendur "dallimet e papajtueshme" si arsyen e ndarjes së tyre. “Siç e dinë të gjithë, unë dhe Hesam nuk jemi më bashkë… 6 vjet janë një kohë e gjatë për të qenë me dikë, kështu që jam pak e tronditur”, shkroi Spears në Instagram të premten mbrëma, krahas një videoje të saj duke kërcyer.
“Nuk jam këtu për të shpjeguar pse sepse sinqerisht nuk është punë e askujt!!! Por, sinqerisht nuk e duroja dot më dhimbjen!!!”, shtoi ajo. “Në një lloj mënyre telepatike kam marrë kaq shumë mesazhe nga miqtë dhe ju falënderoj !!! Kam luajtur fort për një kohë të gjatë dhe Instagrami im mund të duket i përsosur, por është larg realitetit dhe mendoj se të gjithë e dimë këtë!!!"
Deklarata e fitueses së Grammy erdhi dy ditë pasi Page Six konfirmoi se ata po ndaheshin pas vetëm një viti martesë. TMZ raportoi në atë kohë se Asghari dhe Spears dyshohej se kishin paturnjë debat të ashpër pasi ai e akuzoi atë se e kishte tradhtuar. Media më vonë pohoi se aktori pretendoi se Britney ishte "e lidhur me të paktën një nga anëtarët meshkuj të stafit" që punonte në shtëpinë e saj.Media raportoi gjithashtu se modeli dyshohet se ishte sulmuar fizikisht nga Spears gjatë kohëzgjatjes së lidhjes së tyre./Lapsi.al
