Bari i komshiut është gjithmonë më i gjelbër. Kjo dihet. Dhe joshjet ekzotike ndonjëherë e largojnë njeriun nga zgjedhjet më të dukshme. Edhe çka nëse gjithçka që shkëlqen nuk është ar? Fjala është për pushimet italiane, të orientuara për në Shqipërinë (që thuhet se është “El Dorado” e re e verës) dhe ishujt grekë, në vend të Pulias, Siçilisë, Kalabrisë apo Sardenjës, dikur mbretër të padiskutueshëm dhe tashmë të përbuzur nga pushuesit e të gjitha moshave. Por si gjithmonë, bashkë me ata që konfirmojnë zgjedhjen e tyre dhe përgatiten ta përsërisin atë edhe në vitin 2024, ka nga ata që nuk do të shkelin më kurrë në ato anë. Arsyet? Të njëjtat që i çuan në lënien mënjanë të destinacioneve verore italiane.
Paradoksi i Shqipërisë
Shqipëria ishte protagonistja e verës së 2023, të paktën në historitë e italianëve. “Plazhe po aq të bukura sa në Pulia, por me gjysmën e çmimit apo edhe më pak”. Eksodin e italianëve e ka treguar tashmë edhe kryeministri i Tiranës, Edi Rama, i cili ka bërë shaka duke publikuar foton e varkës që u nis nga Shqipëria drejt Italisë më shumë se 20 vite më parë. Por a është vërtet kështu? Siç raportohet nga “Il Messaggero”, ka shumë dëshmi të italianëve të zhgënjyer nga Shqipëria.
Çadra të mbushura me njerëz, çmime shumë të larta, pagesa pothuajse vetëm me para në dorë (dhe në monedhën vendase lek shqiptar), parkim zero. Dhe çmimet? Ato priren të jenë më të ulëta, por varet se ku shkoni. “Një kafe kushton 4.50 euro, një çadër e madhe për 3 persona kushton 50 euro, por të tjerat janë me çmime edhe më të larta dhe shkojnë deri në 200 euro. Shumë nga ato që thonë njerëzit për Shqipërinë në Itali nuk janë të vërteta, të paktën këtu në Ksamil” – ishte dëshmia e një turisti të raportuar nga “Il Messaggero”.
Po Greqia? Varet se ku shkoni
Greqia është në krye të Europës, jo vetëm për italianët. Pikërisht për këtë arsye, shumica e ishujve më të njohur janë të mbushur me turistë. Nga Mykonos në Santorini, deri në Ios, Paros ose Zakynthos. Sërish nuk është me të vërtetë parajsa ajo që tregohet. Dhe çmimet nuk janë aq larg nga Italia.
“Në Zakynthos plazhet janë të mrekullueshme, por shumë të mbushura me njerëz - thotë një turist për Leggo - Dhe çmimet nuk janë më pak se në Itali. Për një javë pushim ju duhen të paktën 1500 euro për person në gusht”.
Më tej, ndër shqetësimet duhen shtuar fluturimet me kosto të ulët, me vonesa të vazhdueshme dhe tashmë çmime shumë të larta. Pra, a janë vërtet kaq të favorshme Natyrisht, ka nga ata që janë të gatshëm të shpenzojnë shumë për të shijuar perëndimet e diellit që të lënë pa frymë në ishujt grekë dhe jeta e natës sigurisht që nuk zhgënjen. Me pak fjalë, si gjithmonë, një çështje zgjedhjesh, por jo dhe aq e lehtë.
Italia po, por ku?
Dhe pastaj, çfarë të bësh? Italia nuk është aq e paarritshme sa duket. Duke filluar nga Pulia, e cila jo shumë larg objekteve të kultit ofron destinacione me çmime më të ulëta dhe me të njëjtin rezultat. E njëjta gjë mund të thuhet për Kalabrinë, e cila ka kilometra të tëra plazh të lirë, por edhe vende me kosto të ulët, ku një familje mund të kalojë ende një javë pa shkatërruar financat.
Sardenja, edhe për shkak të lidhjeve më të ndërlikuara, mbetet një destinacion më elitar. Ndryshe është situata për Sicilinë, ku përveç detit të shkëlqyer, kombinohen dreka dhe darka ëndrrash. Shkurtimisht, çelësi është të kërkosh më mirë dhe më me kujdes, duke u kujdesur nga mashtruesit. Të cilat janë të shumtë, si këtu, ashtu edhe në pjesën tjetër të Europës, ku pushuesit janë joshës për të gjithë. ©Marrë nga Leggo.it, përshtati në shqip LAPSI.al
