Dy automjete janë djegur në Velipojë mëngjesin e sotëm, ku dyshohet se shkak është bërë një shkëndijë elektrike.
Ngjarja ka ndodhur në rrugën nr. 9 në Velipojë. Ka marrë flakë dhe është djegur në pjesën e përparme, një automjet tip “Volkswagen”, në pronësi të 30-vjeçarit D. Y., 30 vjeç, banues në Shkodër.
Nga përhapja e flakëve është djegur pjesërisht edhe një automjet tjetër që ishte parkuar përpara automjetit tip “Volkswagen”, në pronësi të një shtetasi tjetër. Grupi hetimor vijon punën për përcaktimin e shkakut të rënies së zjarrit.
