Kontrata koncensionare për sterilizmin ishte pa menduar mirë dhe për pasojë rriti në mënyrë artificiale kostot e ndërhyrjeve kirugjikale.
I këtij mendimi është profesor Pirro Prifti, mjek anestezist-reanimator. Ai thotë për Euronws Albania se shkak për këtë është përcaktimi I 3 seteve tip.
“Një operacion i thjeshtë më parë nuk shkonte më shumë se 15000 lekë të reja në një kohë që kjo u rrit artificialist e shkoi 45000 lekë. Ndonjëherë duheshin edhe dy apo tre sete operacionale”- tha Pirro Prifti, mjek anestezist-reanimator.
Në gjykimin e tij, kontrata koncensionare ishte e panevojshme, ndërsa citon se qendra e sterilizimit e ndërtuar në QSUT iu dha falas koncensionarit në një kohë kur mund të përdorej nga shteti.
“Ky koncesion për mendimin tim nuk ka qenë i nevojshëm, sepse shteti, kishte ndërtuar në spotal një qendër sterilizimi dhe nuk i kushtonte gjë që një ekip njerëzish t’i trajtonte për të bërë këtë gjë”,-tha Pirro Prifti, mjek anestezist-reanimator.
Futja e seteve kirugjikale njëpërdorimshme, u argumentuan si pasojë e domosdoshmërisë për të ulur ditë qëndrimin në spital të pacientëve dhe infeksionet postoperatore.
