Shpërthime të forta janë dëgjuar gjatë natës në Odessa. Në të gjithë rajonin u aktivizua alarmi ajror, ndërsa sipas autoriteteve lokale 3 persona kanë mbetur të plagosur.
Forcat e mbrojtjes në Odessa thonë se kanë zmbrapsur tre sulme ruse gjatë natës duke rrëzuar 15 dronë dhe 8 raketa. Copat e raketave të rrëzuara dëmtuan një supermarket dhe një bujtinë. Një ndërtesë e lartë ishte gjithashtu në flakë, ndërsa dritaret e shumë ndërtesave të tjera u thyen.
"Të gjitha sulmet u zmbrapsën nga forcat e mbrojtjes ajrore. Zjarrfikësit po punojnë ende për shuarjen e zjarreve që kanë rënë në dy ndërtesat e prekura. Përveç kësaj, shumë dritare u thyen nga vala e shpërthimit. Disa makina të parkuara aty pranë u dëmtuan gjithashtu”, thanë autoritet lokale.
