Një aksident i dytë rrugor ka ndodhur mbrëmjen e sotme në aksin Gjirokastër-Kakavijë. Si rrjedhojë janë lënduar dy persona, njëri prej të cilëve i dënuar me “arrest shtëpie”. Alfred Hunda, nga Libohova, disa ditë më parë u dënua me masën "arrest shtëpiak" për veprën penale të trafikut dhe mbjelljes së lëndëve narkotike.
E megjithatë rreth orës 20:26 automjeti i tij u përplas me atë të shtetasit T. H., 35 vjeç. Nga përplasja janë dëmtuar lehtë, shtetasi V. Z. dhe pasagjerët në automjetin e tij, shtetasit Hunda, dhe L. H., 20 vjeçe, të cilët aktualisht po marrin ndihmë mjekësore, në spitalin e Gjirokastrës. Ky aksident është i katërti që ndodh në harkun e 12 orëve të fundit në rrugën nacionale Tepelenë-Kakavijë.
