Reperi Tekashi 6ix9ine u arrestua në Palm Beach County, Florida të mërkurën pasi shkeli rregullat e qarkullimit, raportojnë mediat e huaja.
Artisti, emri i vërtetë i të cilit është Daniel Hernandez, u mor në paraburgim e më pas u la i lirë.
‘Policët po kryenin kontrolle kur vëzhguan një automjet që kryente shkelje të trafikut. Shoferi nuk kishte patentë“, tha në një deklaratë Zyra e Sherifit të Qarkut Palm Beach.
Policia tha se ai kishte një patentë shoferi të pezulluar dhe një urdhër për mosparaqitjen në një datë gjyqësore të 12 korrikut, që rrjedh nga një incident në qershor.
Arrestimi vjen disa muaj pasi reperi ishte viktimë e një sulmi brutal në një palestër në Florida. Një nga të arrestuarit në lidhje me sulmin në palestër, Anthony Maldonado, nuk do të përballet me akuza.
