Një 51-vjeçar shqiptar ka mbetur i plagosur dje në ishullin Paxos të Greqisë, pasi është qëlluar 10 herë me armë zjarri. Mediat greke raportojnë se bëhet fjalë për shtetasin Andrea Kalemi, i cili kishte shkuar me pushime me gruan dhe fëmijët e tij.
Kalemi është dërgua në spitalin e Janinës dhe është në gjendje të rëndë. Mediat greke shkruajnë se sherri ka ndodhur në vendin e quajtur Limani i Lakës në ishullin Paxos. Ndër të tjera në media thuhet se fillimisht dy bashkatdhetarët kanë debatuar, më pas janë përleshur fizikisht derisa sherri ka degraduar në nxjerrjen e armës dhe plagosjen rëndë të 51-vjeçarit.
Policia ka identifikuar autorin dhe e ka shpallur në kërkim. Bëhet fjalë për një shtetas shqiptar me banim në Itali.
