Megan Fox shkroi një libër që shpreson të frymëzojë fansat. Aktorja e Jennifer's Body njoftoi të martën se libri i saj i parë me poezi, i titulluar Pretty Boys Are Poisonous, do të dalë më 7 nëntor.
"Këto poezi u shkruan në një përpjekje për të hequr sëmundjen që kishte zënë rrënjë tek unë për shkak të heshtjes sime," tha Fox në një deklaratë. "Kam kaluar gjithë jetën time duke ruajtur sekretet e njerëzve, trupi im dhemb nga bartja e peshës së mëkateve të tyre. Liria ime jeton në këto faqe dhe shpresoj që fjalët e mia mund të frymëzojnë të tjerët që të marrin lumturinë dhe identitetin e tyre duke përdorur zërin e për të ndriçuar atë që është varrosur, por jo e harruar, në errësirë”, shtoi ajo.
Një deklaratë për shtyp nga botuesi Simon & Schuster e quan librin një "debutim të fuqishëm nga një prej grave më të njohura të kohës sonë". Libri përmban mbi 70 poezi "zemërthyese dhe të errëta". Fox, e cila do të luajë në vazhdimin e aksionit The Expend4bles, ndan tre fëmijë me ish-bashkëshortin Brian Austin Green, me të cilin u nda në vitin 2020 pas 16 vitesh. Ajo tani është e fejuar me Machine Gun Kelly.
Në vitin 2021, Fox i tha InStyle se ishte keqkuptuar gjatë gjithë karrierës së saj, duke u përballur shpesh me seksizmin në Hollywood. “Më duhej të adoptoja një sistem besimi që vetëm unë do të kujdesesha për veten time dhe do të isha aty për veten time, sepse vazhdimisht do të isha e përjashtuar ose e refuzuar”, tha ajo në atë kohë./Lapsi.al
