Një aksident është regjistruar në Maliq, ku për pasojë dy persona kanë mbetur të plagosur. Ngjarja ndodhi rreth orës 14:50, në aksin rrugor “Lozhan-Strelcë”. Mësohet se një kamion me drejtues një 26-vjeçar, banues në Libonik, është batuar në rrugë.
Si pasojë, janë dëmtuar 2 pasagjerë që lëviznin në këtë mjet, shtetasi rreth 57 vjeç, banues në Strelcë, Maliq dhe shtetasi rreth 60 vjeç, banues në Korçë, të cilët u transportuan në spital, për të marrë ndihmë mjekësore.
Ndërkaq, drejtuesi u shoqërua në ambientet e Policisë, për të kryer veprimet e mëtejshme procedurale. Grupi hetimor po punon për sqarimin e rrethanave të këtij aksidenti.
