Sipërfaqja e ndërtimit do të jetë rreth 70 mijë metër katrorë në qendër të kryeqytetit dhe kulla është pagëzuar "Mount of Tirana" ndryshe "Mali i Tiranës". Kulla do të jetë 58 kate, me një lartësi prej 205 metrash dhe do të ndërtohet nga Nova Construction.
Kjo është kulla më e lartë e miratuar ndonjëherë në Shqipëri, ndërsa fillimi i ndërtimeve sapo ka nisur.Vieë this post on Instagram
Projekti i "Mount of Tirana" fitoi garën pas vendimit të një jurie pjesë e së cilës ishte kryeministri Edi Rama. Pas shpalljes së fituesit, kryetari i Bashkisë, Erjon Veliaj tha se kullat duhen për turistët e shumtë që vijnë në Tiranë.
“Ne duam të kemi turistë, por nuk duam të kemi kulla? Në cilat hotele do të rrinë? Do t’i mbajmë si partizanët në shtëpi? Prandaj, është shumë e rëndësishme t’i bazojmë gjërat në fakte. Themi se kjo kompani është kompani mafioze, lavatriçe parash, por sot rrethohemi nga kulla e Hotel Intercontinental, nga kulla e Hotel Mariott, nga kulla e Hotel Melia. Pra, të gjitha kanë një adresë dhe një logo. Ndaj, unë besoj se na duhet një pakt kombëtar që të paktën të mos fyejmë, të mos shajmë, të mos e njollosim vendin tonë”, tha Veliaj, që këto ditë ka heshtur përballë protestave qytetare, kundër shkatërrimit të lulishtes në Rrugën e Barrikadave.
