Familja e viktimës 14-vjeçare të koncertit të Astroworld, John Hilgert, ka arritur në heshtje një marrëveshje me reperin Travis Scott, Live Nation, ScoreMore dhe organizatorë të tjerë të festivalit, raportoi Rolling Stone.
Familja thuhet se ka tërhequr një padi prej 1 milion dollarësh në shkurt, duke u vendosur për një shumë të pazbuluar. Hilgert ishte i dyti më i ri nga 10 viktimat qëu nda nga jeta pasi shpërtheu kaosi në natën e hapjes së festivalit muzikor në Hjuston, 5 nëntor 2021.
Prindërit e adoleshentit tragjik, Chris dhe Nichole Hilgert, ngritën padi kundër Scott, organizatorit të ngjarjes Live Nation Worldwide dhe të tjerëve për "neglizhencë të madhe" dhe "mospërfillje " për sigurinë e Hilgert që rezultoi në vdeekjen e tij, sipas People.
"Dhimbja e humbjes sonë nga djali ynë John që nuk u kthye në shtëpi nga një ngjarje si kjo është e patolerueshme," tha babai në një deklaratë, sipas gazetës. "Ai ishte një djalë i ri i bukur, i cili thjesht donte të shijonte koncertin e tij të parë me miqtë". Prindërit e Hilgert thanë se qëllimi i tyre ishte të siguronin që gjërat të ndryshojnë dhe masat e reja të sigurisë të vendosen për të ndaluar që diçka si incidenti tragjik të mos përsëritej.
Në mënyrë të veçantë, padia po kërkonte t'i mbante ata përgjegjës për "dështimin për të siguruar personel adekuat sigurie për të zbatuar masat e kontrollit të turmës, barrikadat e duhura dhe dështimin për të ofruar një sasi të mjaftueshme të mbështetjes mjekësore urgjente", pretendohej në dosje, sipas raportit.
Familja e Hilgert iu bashkua familjeve të Axel Acosta, i cili u nda nga jeta në moshën 21-vjeçare dhe Brianna Rodriguez (16 vjeç). Scott dhe organizatorët e shfaqjes vazhdojnë të përballen me padi civile nga mijëra të pranishmit.
