Të tjera detaje janë bërë publike nga sherri mes disa personave në një lokal në Prishtinë, ku u vra një 39-vjeçar dhe u plagosën 17 persona. Sipas policisë së Kosovës, përplasja me armë nisi pas një mosmarrëveshje mes disa personave.
Mes 17 të lënduarve, 14 janë vajza dhe 3 prej tyre meshkuj. Ndërkohë një 39-vjeçar ndërroi jetë në spital pasi u qëllua me plumba në bark. Ai është identifikuar si Kastriot Ramadani.
“Rr. Xheladin Hana, Prishtinë 04.08.2023-20:17. Dyshohet se pas një mosmarrëveshje në një lokal, në mes të disa të dyshuarve meshkuj kosovarë, janë përdorur edhe armë zjarri (të shtëna me armë zjarri), si pasojë e kësaj lëndime trupore kanë pësuar katër të dyshuar meshkuj kosovarë (nga arma e zjarrit), ndërsa si pasojë e thyerjeve të gotave–shisheve të qelqit lëndime kanë pësuar 17 persona, prej tyre tre meshkuj dhe 14 femra”, thuhet në njoftimin e policisë së Kosovës.
