Deputeti i Partisë Demokratike, Ervin Salianji ka reaguar pas skandalit ku u përfshi ushtria shqiptare me kultivimin e kanabisit në Zarr Hell të Tiranës. Në një postim në Facebook, Salianji e ka quajtur ngjarjen si skandal të denjtë për skenar filmash. Ai shton se ky rast dëmton imazhin e ushtrisë tek partnerët. Më tej demokrati shprehet se modeli i krijuar nga qeveria e ‘Rilindjes’ është krimi, korrupsioni dhe abuzimi me ligjin.
"Në brendësi të repartit më elitar dhe më të sigurt të Republikës kultivohet, ruhet dhe paketohet me siguri të lartë drogë! Zbulumi i parcelave me drogë në zonën e sigurisë së lartë të Zall Herrit, brenda repartit të ushtrisë është skandal i paimagjinueshëm dhe për skenaristët e filmave!
Fatkeqësisht, ky rast dëmton imazhin e ushtrisë tek partnerët përveçse tregon kalbëzimin në çdo qelizë të çdo strukture shtetëtore, rënien e çdo norme ligjore dhe morale dhe fundosjen e Republikës në parametra të padëgjuara as për kartelet e Amerikës Latine! Modeli i krijuar nga rilindja që me paligjshmëri, krim, abuzime pasurohesh dhe ngjitesh në karrierrë ka vendosur në garë konkurrence çdo strukturë shtetëtore se kush bën abuzimet më të mëdha!
Përgjegjësia politike është e KM, zgjidhja për të luftuar krimin, për të ndërtuar shtet të së drejtës është largimi i qeverisë!", shprehet deputeti Ervin Salianji.
