Cardi B nuk do të përballet me akuza për hedhjen e mikrofonit ndaj një fanse.
"Këtë pasdite ne u njoftuam nga Departamenti i Policisë Metropolitane të Las Vegas, se si rezultat i hetimit të tyre, nuk do të ketë asnjë akuzë kundër Cardi," thanë avokatët e reperes "Bodak Yellow", Drew Findling, David Chesnoff dhe Richard Schonfeld për TMZ."Në emër të Cardi, ne vlerësojmë zgjidhjen e zellshme dhe të shpejtë të Departamentit të Policisë Metropolitane të Las Vegas për këtë çështje."
Menjëherë pas kësaj, reperja shkoi në Twitter për të festuar lajmin. “Mos harroni…”, shkroi ajo të enjten, së bashku me një foto të dy burrave hebrenj që ecin në rrugë, me sa duket duke iu referuar avokatëve të saj, të cilët janë hebrenj. Në përgjigje, fansat e saj vunë në dukje tekstin e hitit të Cardi-t të vitit 2018 "Bickenhead", në të cilin ajo këndoi, "Avokati është një çifut ai do t'i përtypë të gjitha akuzat".
Hetimi vjen gati një javë pasi Cardi iu hodh një pije gjatë performancës së saj në Drai's Beachclub në Las Vegas. Pas një momenti tronditjeje, fituesja e Grammy më pas hodhi mikrofonin e saj te fansja, sipas një video virale të shpërndarë të dielën TikTok. Menjëherë pas incidentit, Cardi - e lindur Belcalis Marlenis Almánzar - u rendit si e dyshuar për sulm. Gruaja që u godit me mikrofon e raportoi incidentin në Metro PD të Las Vegas dhe, sipas TMZ, nuk ishte ajo që hodhi pijen. Në vend të kësaj, ajo u godit gabimisht sepse fajtori aktual po qëndronte pranë saj. Mikrofoni që u përfshi në incident tani po shitet në ankand për bamirësi në eBay nga Scott Fisher - kompania e të cilit ofroi mbështetje audio për shfaqjen./Lapsi.al
