Më 10 korrik Kosova dhe Bashkimi Evropian, në Bratisllavë, arritën një ujdi për rrugën që duhet ndjekur për shtensionim të situatës në veri.
Si hap i parë, që u plotësua, ishte zvogëlimi i pranisë së njësive policore përreth godinave komunale në Leposaviq, Zubin Potok, e Zveçan.
Por marrëveshja për mbajtja e zgjedhjeve të parakohshme në katër komunat, nuk u realizua. Ndërsa institucionet kosovare, thonë se votimet e reja duhet të bëhen përmes nënshkrimit të peticionit, nga Brukseli zyrtar është gjetur një rrugë më të shkurtër deri te zgjedhjet, që duhet të jenë gjithëpërfshirëse.
”Dorëheqjet e kryetarëve të komunave janë mënyra më e shpejtë për të nxitur zgjedhje të parakohshme, ndërkohë që të dyja palët duhet të tregojnë konstruktivitet në realizimin e zgjedhjeve. Status-quoja e cila rezultoi nga tërheqja e serbëve nga institucionet e Kosovës nëntorin e kaluar dhe bojkotimi i zgjedhjeve të prillit nga komuniteti serb i Kosovës, nuk është e qëndrueshme”, thuhet në një përgjigjien për Klan Kosovën nga Shërbimi për Punë të Jashtme.
Në përgjigjen nga unioni me 27 vende anëtare, thuhet se presin që serbët e Kosovës të zotojnë pjesëmarrjen në zgjedhjet e reja.
