Një efektiv policie në Korçë është arrestuar pasi ka qenë i dehur duke drejtuar mjetin dhe është përfshirë në një aksident. Ngjarja ndodhi ditën e djeshme rreth orës 17:25, në rrugën nacionale Korçë-Bilisht.
Në njoftimin e policisë thuhet:
Agjencia e Mbikëqyrjes Policore (Rajoni Elbasan - Korçë) arrestoi në flagrancë punonjësin e Policisë, Inspektor R.XH., 58 vjeç, me detyrë Trup Shërbimi në Stacionin e Policisë Kufitare Pustec, në Drejtorinë Vendore për Kufirin dhe Migracionin Korçë.
Ai dyshohet për veprën penale “Drejtimi i automjeteve në mënyrë të parregullt”. Sot rreth orës 17:25, duke drejtuar mjetin në rrugën nacionale Korçë - Bilisht, është përfshirë në aksident rrugor me dëme materiale, me një mjet tip furgon.
Nga testet e kryera në vendngjarje ka rezultuar se punonjësi i Policisë kishte konsumuar alkool tej normave të lejuara.
Ai ishte duke shkuar për të marrë detyrën. Materialet procedurale do t'i përcillen Prokurorisë Pranë Gjykatës së Shkallës së Parë të Juridiksionit të Përgjithshëm Korçë.
