Një bord këshillues i Shtëpisë së Bardhë, duke përmendur nevojën për të mbrojtur privatësinë e amerikanëve, ka rekomanduar vendosjen e kufizimeve të reja në përdorimin e inteligjencës nga FBI, raportojnë mediat e huaja.
Shtëpia e Bardhë dëshiron që neni 702 i atij ligji të mbetet në fuqi, por në një formë të modifikuar, pasi demokratët dhe republikanët kërkuan reforma të mëdha për shkak të shqetësimeve se seksioni i ligjit është përdorur kundër amerikanëve.
Rekomandimet e lëshuara nga Bordi Këshillimor i Inteligjencës i Presidentit vijnë pasi administrata Biden është gjithnjë e më e shqetësuar për perspektivat në Kongres për rinovimin e asaj që e konsideron si një mjet vendimtar që përdoret për të mbledhur informacione rreth kundërshtarëve të huaj si Kina, Rusia, Irani dhe Koreja e Veriut.
Një raport nga Bordi Këshillimor i Inteligjencës i Presidentit të SHBA tha se veprimet e FBI-së sipas nenit 702 duhet të kufizohen vetëm për qëllime të inteligjencës së huaj dhe se personeli i FBI-së duhet të marrë trajnime shtesë për atë që përfshin inteligjenca e huaj.
