Në dosjen voluminoze të SPAK pas zbërthimit të bisedave në aplikacionin Sky dhe Encro prej autoriteve franceze, që coi në arrestimin e disa personave, del edhe emri i Prek Kodrës, snajperistit të verifikuar për disa vrasje në Shqipëri dhe Kosovë. Kodra doli dhe në një raport të Shërbimit Informativ Shtetëror, ku flitej si një nga personat që do kryenin vrasjen e kryeministrit të Kosovës, Albin Kurti.
Nga bisedat në aplikacionet e enkriptuara del se Behar Bajri, Pëllumb Bajri dhe Ervis Martinaj, flasin së bashku, duke diskutuar punën e vrasjes së Gjin Boriçit. I përfshirë në dekonspirim të sekreteve shtetërore është edhe Oltion Bistri, ish drejtori i Policisë në Lezhë e Durrës e deri para disa ditësh drejtues i Njësisë Operacionale në Policinë e Shtetit.
Personat e arrestuar deri me tani jane: Pëllumb Gjoka, Edmond Preka, Astmer Bilali, Ardit Hasanbenga, Oltion Bistri, Xhevahir Lita, S.T. i arrestuar në flagrancë dhe N.F. i arrestuar në flagrancë.
Personat e shpallur ne kerkim jane: Behar Bajri, Ervis Martinaj, Elion Hato Denis Brajoviç, si dhe 3 persona të tjerë.
