Pas kërkesës së 7 deputetëve të PD-së dhe në emër të anëtarëve të Këshillit Kombëtar ndaj Sekretarit të Përgjithshëm, ka reaguar Gazment Bardhi.
Bardhi ka konfirmuar në media se ka pranuar një kërkesë dhe një relacion të detajuar mbi situatën dhe vlerësimin e Këshillit Kombëtar.
Në bazë të këtij relacioni, Bardhi ka vendosur të thërras mbledhjen e Këshillit Kombëtar.
"Po kam marrë një relacion të detajuar dhe kërkesë mbi situatën dhe vlerësimin e Këshillit Kombëtar dhe pasi i kam shqyrtuar, kam ushtruar menjëherë kompetencat që më njeh Statuti i Partisë. Kam vendosur të thërras mbledhjen e Këshillit Kombëtar" ka thënë Bardhi për mediat.
Lulzim Basha pritet të rizgjidhet kryetar i PD në 29 Korrik, sipas një procesi që ka ngritur shumë pikëpyetje dhe është kundërshtuar nga një pjesë e mirë e kryesisë dhe deputetëve të PD-së së vulës.
