Ky është një zjarr që shpërtheu ditën e djeshme në një peshkatore në proçes riparimi në portin detar të Durrësit.
Ka qenë një zjarr i fuqishëm që shpërtheu në mjediset e brendëshme dhe në kuvertën e anijes.
Është dashur ndërhyrja e 3 mjeteve zjarrfikëse për të neutralizuar zjarrin.
Rreziku i shpërthimit të anijes ishte i madh për shkak të presionit të gazrave të grumbulluar në mjediset e brendëshme por edhe për shkak të vapës së madhe.
Kur u mendua se zjarri ishte shuar ai shpërtheu sërish pas rreth 30 minutash.Sërish u rindërhy dhe zjarri u shua. Fatmirësisht nuk pati njerëz të dëmtuar.
Ngjarja në territorin e ish kantierit detar në portin detar të Durrësit.
[video width="480" height="604" mp4="https://cdnimpuls.com/lapsi.al/wp-content/uploads/2023/07/video-output-5630AE06-99F7-4044-B23E-C034A0D46DA5.mp4"][/video]
Ende nuk ka një raport për shkakun e zjarrit por mendohet ndonjë shkëndijë elektrike nga saldatriçja që mund të ketë ndezur lëndën përzjerëse të bojës së vajit që siç e quajnë diluent.
