Jamie Foxx tha se ai shkoi në "ferr dhe u kthye" ndërsa foli për herë të parë që nga shtrimi në spital pas një "komplikimi mjekësor" misterioz.
Fituesi i Oskarit, tregoi rreth përvojës në një video emocionuese në Instagram të premten mbrëma. "Kam kaluar diçka që mendoja se nuk do ta kaloja kurrë," tha Foxx, duke informuarndjekësit e tij se nuk është "i verbër" ose "i paralizuar".
“E di që shumë njerëz prisnin ose donin të dëgjonin një përditësim, por të jem i sinqertë me ju, nuk doja që ju të më shihnit kështu,” pranoi ai me lot në sy. “Dua që të më shihni duke qeshur, duke kaluar një kohë të mirë, duke bërë festë, duke bërë shaka, duke bërë një film ose një shfaqje televizive. Nuk doja që të më shihnit me tuba dhe duke u përpjekur të kuptoja nëse do t'ia dilja mbanë.”
Aktori nuk e bëri të ditur sëmundjen e tij, por më në fund është "në rrugën e shërimit". Foxx lavdëroi motrën e tij Deondra Dixon dhe vajzën Corinne Foxx, që i shpëtuan jetën. “Nuk mund t'ju them se sa e mrekullueshme është që familja juaj të futet në një mënyrë të tillë, dhe ju të gjithë e dini se ata e mbajtën atë hermetikisht - ata nuk lanë asgjë jashtë, ata më mbrojtën - dhe kjo është ajo që shpresoj që të gjithë mund të kenë në momente si këto. Por, po kthehem dhe jam në gjendje të punoj.”
Aktori përfundoi duke thënë se sytë e tij "janë mirë", duke dëshmuar se "nuk është i paralizuar". “Unë thjesht dua të them se i dua të gjithë dhe e dua gjithë dashurinë që kam marrë.”/Lapsi.al
