Territori shqiptar mbetet në ndikimin e valëve të nxehtit afrikan ku termometri do të ngjitet sërisht deri në 41 gradë C në zona të izoluara në Qarqet; Elbasan, Berat dhe Gjirokastër. Përsa i përket motit, do të jetë i kthjellët dhe i nxehtë në të gjithë territorin e vendit deri në orët e vona të pasdites ku priten kalime vranësirash të lehta në zonat Verilindore dhe Juglindore. Parashikohet që ky stabilitet i atmosferës të na shoqërojë edhe gjatë natës.
Temperaturat e ajrit rriten në mëngjes dhe në mesditë duke luhatur vlerat ditore nga 19°C deri në 41°C.
Kosova
Orët e paradites; në Republikën e Kosovës do të jenë në ndikimin e motit të kthjellët dhe të nxehtë në pjesën më të madhe të territorit. Por pas – mesdite dhe pasditja sjellin kalim të vranësirave, kryesisht në zonat Veri-Veriperëndimore por nuk priten reshje. Kjo situatë e qëndrueshme atmosferike do të vijojë në mbrëmje dhe gjatë natës. Përsa i përket, temperaturave të ajrit; termometri do të ngjitet deri në 37 gradë C në qytetet: Gjakovë dhe Prizren ndërsa parametri i erës, herë pas here do të jetë e fortë deri në 40 km/h.
Maqedonia e Veriut
Po ashtu, Republika e MV në pjesën më të madhe të territorit paraqitet në ndikimin e masave ajrore të thata dhe të nxehta që qarkullojnë nga veriu i Afrikës. Duke bërë që moti i kthjellët dhe i nxehtë të jetë dominant por pasditja do të sjellë kalim të vranësirave të lehta në pjesën më të madhe të MV. Më të theksuara në zonat veriore dhe verilindore të republikës së MV. Parashikohet që temperaturat e ajrit të jenë të larta deri në 39 gradë C. Ndërsa; parametri i Erës nuk paraqitet problematik.
Europa
Europa Veriore dhe ajo Lindore paraqitet nën mbizotërimin e vranësirave të shumta dhe reshjeve të dendura të shiut; si pasojë e zhvillimit të një qendre të fuqishme ciklonare mbi këto rajone. Po ashtu; Alpet e Europës si edhe zonat përreth tyre do të dominohen nga vranësira konvektive dhe rrebeshe shiu herë pas here në formë shtrëngate ndërsa nën mbizotërimin e masave ajrore të nxehta dhe të thata me origjinë Afrikane do të vijojnë; Brigjet e Egjeut, Rajoni i Ballanit si edhe Italia ku priten temperatura shumë të larta mbi 40 gradë C.
Era do të fryjë e lehtë dhe mesatare me shpejtësi 30 km/h nga drejtimi kryesisht Veriperëndimor duke krijuar në brigjet e Adriatikut dhe Jonit dallgëzim 2 ballë.
