Çifti i famshëm, Sofia Vergara dhe Joe Manganiello kanë njoftuar se po i japin fund martesës së tyre. Në një deklaratë të përbashkët ata thanë: “Ne kemi marrë vendimin e vështirë për t’u divorcuar.
Si dy njerëz që e duam dhe kujdesemi shumë për njëri-tjetrin, ne kërkojmë me mirësjellje respektimin e privatësisë sonë në këtë kohë ndërsa kalojmë në fazë të re të jetës sonë”.
Dy aktorët u bënë bashkë në vitin 2014 dhe u martuan në vitin 2015, por nuk kanë fëmijë së bashku. Sofía aktualisht po feston ditëlindjen e saj të 51 në Itali me miqtë e saj, por pa Manganiello-n dhe unazën e martesës.
“E kuptova shumë shpejt se mund t’i besoja asaj, dhe ajo e kuptoi shumë shpejt se mund të më besonte mua,” tha Manganiello në vitin 2020.
“Dhe ne të dy jemi nga ata lloj njerëzish që janë të aftë të vendosin personin tjetër përpara vetes. Unë isha në gjendje t’i vendosja dëshirat e saj përpara dëshirave të mia, çfarëdo qofshin ato, dhe ajo ishte në gjendje të bënte të njëjtën gjë. Pasi ta arrini këtë, nuk do largoheni kurrë nga njëri-tjetri.”
Ata janë konsideruar shpesh si një nga çiftet më të mëdhenj të Hollivudit.
