Ish-kryeministri Sali Berisha ka paralajmëruar protesta për aferën e inceneratorëve, teksa parlamenti sot miratoi kërkesën e SPAK për arrestimin e ish-zv.kryeministrit Arben Ahmetaj.
Ai u shpreh gjatë konferencës me gazetarët se në rast se qeveria qëndron pushtet pas zbulimit të aferës së inceneratorëve do të jetë dobësi e opozitës.
“Ne duhet t’u drejtohemi qytetarëve, do u drejtohemi shqiptarëve për të kërkuar largimin e kësaj qeverie me protesta. Kjo është një aferë e tmerrshme. Nuk ka shoqëri, popull që mund të tolerojë këtë aferë. Do të bëhen negociata me forca të tjera të opozitës”, tha Berisha.
