Sipas Ministres së Arsimit dhe Sportit, Evis Kushi shkak i ikjes së mjekëve nga Shqipëria nuk është cedimi i sistemit, por liberalizimi i procedurave nga BE-ja.
Ministrja foli sot në mbledhjen e Komisionit të Shëndetësisë edhe për shkaqet e largimit të mjekëve nga Shqipëria, teksa ka mbrojtur projektligjin e qeverisë për studentët e Mjekësisë.
“Tani, pse largohen mjekët?! U përmend disa herë se mjekët largohen sepse ky është një cedim i sistemit. Në fakt ne biem dakord që kemi ende shumë punë për të bërë. Që kemi problematika, patjetër që kemi. Ndërkohë janë bërë shumë punë, shumë përparime, ka shumë zhvillim. Që duhet të bëjmë akoma, patjetër. Por arsyeja kryesore, ju e thatë edhe vetë në fjalët tuaja, është që vendet e BE-së kërkojnë çdo ditë mjekë.
I kanë liberalizuar të gjitha procedurat për t’i punësuar mjekët që vijnë nga vendet e tjera. Edhe para 10 vjetësh, 15 vjetësh, 5 vjetësh kishte mjekë apo edhe qytetarë që donin të shkonin drejt këtyre vendeve. Sepse ne nuk mund ta konkurrojmë as Gjermaninë, SHBA-në, sado t’i rrisim pagat apo mirëqenien.
Por, sot ata shkojnë dhe janë të sigurt që menjëherë u ofrohet një vend pune, madje edhe pa njohur diplomën.
Ju e thatë vetë që qytetarët e vendeve të BE-së nuk duan më të studiojnë për mjekësi sepse është një shkollë e vështirë, sepse kërkojnë gjëra më të lehtë. Pra ata janë në krizë.
Kjo sigurisht që i tundon mjekët tanë për një jetë më të mirë, një nivel page më të lartë. Ne sigurisht që i kemi rritur pagat. Por arsyeja, nuk është se çedoi sistemi. Sistemi është më i mirë se ai që kishim, por numri i largimeve është rritur sepse çdo ditë në gazetat e vendeve të BE-së ka njoftime, kërkohen punonjës në fushën e shëndetësisë, në fushën e IT, etj”, deklaroi ministrja Kushi.
Shikoni këtë video të përgatitur nga gazetari Arbër Kaceli për protestën e parë që zhvilluan studentët e mjekësisë kundër mbajtjes peng të diplomave të tyre:
Për të parë më shumë VIDEO si kjo bëni një like për faqen e re në Facebook Lapsi Videos
