Britney Spears ka reaguar pas publikimit të videos ku tregohet se si ndodhi në të vërtetë incidenti me basketbollistin, Victor Wembanyama.
Këngëtarja hyri në Instagram të premten dhe u shpreh e hutuar për atë që ndodhi në hotelin ARIA në Las Vegas në fillim të kësaj jave midis saj dhe Damian Smith, Drejtorit të Sigurisë së Ekipit për San Antonio Spurs.
"Kam punuar në industri prej vitesh dhe kam qenë me disa nga njerëzit më të famshëm në botë… NSYNC në një moment ishin si Beatles... vajzat do të hidheshin kundër tyre kudo që shkonim , asnjëherë nuk kam parë një roje të godiste një person tjetër !!!" shkroi ajo. "Reagimi im ishte i paçmuar ... I KEQ ??? PO ... Kanë bërë dokumentarë për mua dhe asnjë prej tyre nuk e kam miratuar ... Jam ndjerë e pafuqishme në shumicën e situatave dhe përvoja ime në Vegas dhe reagimi im ishte një thirrje”.
Duke u thënë kështu, Spears shtoi se ajo është "ende një fanse e madhe e lojtarit të NBA. "Nuk është faji i tij, siguria e tij më goditi !!!" përfundoi ajo."Shpresoj që të gjithë të keni kaluar një të premte të mrekullueshme !!!"
Reagimi i saj erdhi vetëm disa orë pasi Departamenti i Policisë Metropolitane të Las Vegas i tha ET se përfundoi hetimin e tij për incidentin e supozuar të sulmit midis Spears dhe rojes së sigurisë për Wembanyama dhe tha se nuk do të ngrihet asnjë akuzë kundër rojes së përfshirë të sigurisë. Në fillim të kësaj jave, Britney paraqiti një raport në polici pasi dyshohet se ishte sulmuar nga një roje sigurie për yllin e NBA./Lapsi.al
