Robert De Niro ka folur pas ndarjes nga jeta të nipit të tij, Leandro De Niro Rodriguez.
Në një deklaratë të lëshuar për ET të hënën, aktori shprehu pikëllimin e thellë për humbjen. "Jam thellësisht i lënduar nga ndarja nga jeta e nipit tim të dashur Leo," tha Robert. "Jemi shumë mirënjohës për të gjitha ngushëllimet . Kërkojmë që të na jepet privatësia në këtë situatë të vështirë."
Në një postim emocionues në Instagram, Drena ka nderuar djalin e saj të ndjerë. Leandro thuhet se ishte 19 vjeç në kohën e vdeekjes së tij.
"Engjëlli im i bukur i ëmbël. Të kam dashur pa fjalë apo përshkrim që nga momenti që të ndjeva në bark. Ti ke qenë gëzimi im zemra ime dhe gjithçka që ka qenë e pastër dhe e vërtetë në jetën time. Nuk di si të jetoj pa ty, por do të përpiqem të vazhdoj dhe të përhap dashurinë dhe dritën që më ke bërë të ndjej duke u bërë mamaja jote", ka shkruar ajo. "Ti ishe thellësisht i dashur dhe i vlerësuar dhe uroj që vetëm dashuria të të kishte shpëtuar.Më vjen shumë keq foshnja ime, më vjen shumë keq. Pusho në paqe dhe parajsë të përjetshme djali im i dashur.
Lajmi për vdeekjen e Leandros vjen gati tre muaj pasi aktori "About My Father" mirëpriti vajzën Gia Virginia Chen-De Niro me të dashurën Tiffany Chen. Gia është fëmija i tij i shtatë. De Niro ndan fëmijët e tij të rritur, Drena, 51 vjeç dhe Raphael, 46, me ish-gruan Diahnne Abbott, si dhe djemtë binjakë 27-vjeçarë, Aaron dhe Julian, me ish të dashurën Toukie Smith. Ai gjithashtu ndan djalin Elliot, 25 vjeç dhe vajzën Helen, 11 vjeç, me ish-bashkëshorten Grace Hightower./Lapsi.al
