Madonna u pa duke shëtitur në qytetin e Nju Jorkut një ditë para se të gjendej pa ndjenja në shtëpinë e saj dhe të dërgohej me urgjencë në spital për t'u trajtuar për një infeksion bakterial.
Në fotot e marra të premten nga The Post, këngëtarja e "Vogue" qëndronte jashtë Muzeut Metropolitan të Artit me asistentin e saj personal dhe një balerin pasi vizitoi ekspozitën Karl Lagerfeld të premten, më 23 qershor. Vetëm një ditë më vonë, artistja u pranua në një spital të NYC ku u intubua gjatë natës.
Menaxheri për një kohë të gjatë i Madonna-s, Guy Oseary, ndau në Instagram të mërkurën se këngëtarja "kishte zhvilluar një infeksion serioz bakterial që çoi në një qëndrim disaditor në ICU". Ai shtoi se pritej të shërohej plotësisht, por është raportuar se ajo është ende e sëmurë rëndë dhe e shtrirë në shtrat që nga lirimi nga spitali.
Është ende e paqartë se çfarë lloj infeksioni bakterial ka zhvilluar Madonna. Për shkak të frikës shëndetësore, artistja ka shtyrë turneun e saj “Celebration” me 53 ndalesa, i cili duhej të niste në Vankuver më 15 korrik. Një nga shoqet e saj i tha Page Six se po e shtynte veten në kufijtë e saj ndërsa performonte së bashku me kërcimtarë që janë "më të rinj se ajo në moshë dhe pa histori lëndimesh".
“Ajo e di se sa shumë fansat e saj e prisnin me padurim këtë turn dhe donte t’u jepte më të mirën e saj”, tha shoqja. "Duke parë se sa ishin shitur biletat, e kishte motivuar vërtet atë sepse tregonte se sa shumë njerëzit donin ta shihnin."/Lapsi.al
