Një person ka vdekur dhe dy të tjerë janë plagosur nga bombardimet ruse në rajonin jugor të Zaporizhia të Ukrainës. Lajmi është bërë i ditur nga guvernatori i rajonit, Yurii Malashko nëpërmjet një postimi në Telegram.
“Një burrë 51-vjeçar vdiq në fshatin Mala Tokmachka, në juglindje të qytetit të Zaporizhzhia. Një grua 40-vjeçare dhe një burrë 39-vjeçar u plagosën gjithashtu në fshatin e afërt Preobrazhenka. Të plagosit janë duke marrë ndihmë mjekësore dhe jashtë rrezikut për jetën”, ka shkruar ai.
