Një 55-vjeçar, me inicialet T.B banues në Korçë, është proceduar në gjendje të lirë. Ai dyshohet se për motive pronësie ka ushtruar dhunë psikologjike ndaj kunatës. Po ashtu 55-vjeçari e ka kërcënuar atë me sëpatë.
Ka qenë një tjetër person i cili ka ndërhyrë për të qetësuar ‘gjakrat’.
Njoftimi i Policisë:
DVP Korçë/Specialistët për Hetimin e Krimeve të Komisariatit të Policisë Korçë referuan materialet në Prokurori ku filloi procedimi në gjendje të lirë për shtetasin T. B., 55 vjeç, banues në Korçë, pasi dyshohet se për motive pronësie, ka ushtruar dhunë psikologjike ndaj bashkëshortes së vëllait të tij, si dhe ka kanosur me mjet të mprehtë (sëpatë), këtë shtetase dhe një shtetas tjetër që ka ndërhyrë për të neutralizuar konfliktin. Në cilësinë e provës materiale u sekuestrua mjeti i mprehtë.
