Hailey Bieber ka folur sërish për “çështjen” e saj dhe Selena Gomez e ftuar në serialin ‘Bloomberg Originals’.
“Unë nuk mendoj se kjo ka të bëjë me mua, Hailey Bieber dhe Selena Gomez,” tha ajo. “Kjo nuk ka të bëjë me këtë përplasje midis dy grave dhe ndarjes midis dy grave. Ka të bëjë me urrejtjen e neveritshme që mund të vijë nga histori krejtësisht të sajuara, të shtrembëruara. Kjo mund të jetë vërtet e rrezikshme.”
E thënë thjesht, 26-vjeçarja, e cila është e martuar me ish-in e Selenës, Justin Bieber, është gati që të ndalojë të gjithë këtë dramë.
“Unë mendoj se është një mundësi për të qëndruar me të vërtetën, për të bashkuar njerëzit dhe për të mos qenë pale me llojin e ndarjes që shkaktoi, ” vazhdoi Hailey. “Nuk më pëlqen e gjithë kjo ide e fansave të këtij personi dhe fansave të atij personi – thjesht nuk jam për këtë. Unë dua të jem në gjendje t’i bashkoj njerëzit.”
Më herët Selena kritikoi publikisht gjuhën e urrejtjes ndaj Hailey-t, pas vitesh spekulimesh se të dyja kanë mosmarrëveshje për Justin.
“Unë mendoj se ishte një moment vërtet i rëndësishëm për njerëzit që të shohin se ju mund ta bëni këtë,” tha Hailey. “Dhe ju mund t’i bashkoni njerëzit dhe nuk duhet të jeni përçarës.”
Dhe kur prezantuesja Emily Chang vuri në dukje se vënia e dy grave kundër njëra-tjetrës shërben si një rrëfim “zhgënjyes dhe i vjetër”, Hailey i bëri të qarta qëllimet e saj.
“Për shkak të një djali? Është e tmerrshme,” vuri në dukje ajo. “E urrej. E kam urryer që nga fillimi. Dhe mendoj se keqkuptohemi dhe pse vazhdojmë të themi se nuk ka asnjë problem mes nesh”.
