Madonna thuhet se është ende duke luftuar me sëmundjen e saj, pavarësisht se ka dalur nga spitali.
Burimet i thanë TMZ se këngëtarja e "Material Girl", ka "vjellë në mënyrë të pakontrolluar" dhe është e shtrirë në shtrat brenda shtëpisë së saj në New York City. Madonna – e cila u shtrua në spital me një infeksion bakterial të shtunën dhe më vonë në ICU – thuhet se është ende duke luftuar efektet e sëmundjes së saj.
Orari i provave të fitueses së Grammy për turneun e saj "Celebration" ishte spekuluar më parë se ishte pas sëmundjes së saj. Disa të afërm i thanë Page Six të Mërkurën se Madonna kishte qenë duke "bërë prova intensivisht" për javë të tëra. Megjithatë, TMZ raportoi më herët se artistja kishte shfaqur shenja të rënies së shëndetit për disa kohë, pasi raportohet se kishte luftuar me ethe për një muaj.
Madonna thuhet se i injoroi simptomat e saj dhe nuk u pa kurrë me një mjek sepse ishte e fokusuar në turneun e saj të ardhshëm, i cili ishte caktuar të fillonte më 15 korrik. Menaxheri për një kohë të gjatë i Madonna-s, Guy Oseary, i cili dha lajmin për shtrimin në spital të klientit të tij, që atëherë ka konfirmuar se turneu është pezulluar.
“Në këtë kohë, do të na duhet të ndalojmë të gjitha angazhimet, që përfshin turneun”, tha ekzekutivi i muzikës, në deklaratën e tij të postuar në Instagram të mërkurën. "Ne do të ndajmë më shumë detaje me ju sapo t'i kemi, duke përfshirë një datë të rei për turneun dhe për shfaqjet e riplanifikuara."/Lapsi.al
