Një aksident ka ndodhur në Kretë dhe një shqiptar ka përfunduar në reanimacion. Një 38-vjeçar, që po kryente punime ndërtimi në zonën Koumbe të Rethymno-s, ka rënë nga skelat. Sipas Qendrës së Punës të Rethymno-s, burri ka mbetur i plagosur rëndë. Ai është derguar në spitalin e Chanias.
Njoftimi i Sindikatës së Ndërtuesve dhe Tregtisë së Lidhur të Rethymnon:
“Një tjetër koleg ndërtues u plagos rëndë në një kantier pune në zonën e Koumbe në perëndim të qytetit të Rethymnon. Kolegu me prejardhje shqiptare, tridhjetë e tetë vjeç, baba i dy fëmijëve, ishte duke punuar në skelë kur ajo u shemb, duke bërë që të rrëzohet përtokë dhe të plagoset rëndë. Ai u dërgua në Spitalin e Chanias ku po trajtohet në reanimacion.
Që nga fillimi i vitit, vetëm në sektorin e Ndërtimit, mban zi për të paktën 18 të vdekur. Bëhet fjalë për kthimin e vendeve të punës të të gjithë vendit në një arenë të madhe vdekjeje. Jeta e punëtorit nuk ka vlerë për pushtetarët. Askush nuk shqetësohet të kontrollojë se në çfarë kushtesh punojnë mijëra ndërtues, në çfarë kushtesh, çfarë masash sigurie, çfarë përshtatshmërie janë makinat e tyre të punës.” thekson njoftimi i sindikatave.
