Një shqiptar i arrestuar në vitin 2008 për trafik droge në Itali është shpallur i pafajshëm pas 15 viteve. Siç raportojnë mediat italiane, 41-vjeçari shqiptar u arrestua në shtator të vitit 2008 nga Guardia di Finanza, pasi akuzohej për përfshirje në trafikun e drogës.
Në pranga u vunë edhe 3 bashkëatdhetarë të tij të përfshirë në të njejtën vepër penale.
Sipas hetimeve nga prokuroria Italiane 41-vjeçari do të ishte porositësi i mbi 12 kilogramëve kokainë së bashku me një tjetër shqiptar. Ndërsa bashkëpunëtori tjetër ishte në rolin e korrierit.
Në një seancë të mbajtur ditët e fundit në Rimini për të rigjykuar çështjen, gjyqtarët shpallën të pafajshëm shqiptarin dhe e liruan nga akuzat e trafikut të drogës.
