Amber Heard u shfaq shumë e lumtur në daljen e saj të parë publike që nga humbja e gjyqit për shpifje kundër ish-bashkëshortit Johnny Depp.
37-vjeçarja mori pjesë në Festivalin e Filmit Taormina në Itali, një ditë para premierës së filmit të saj të ri, "In the Fire".
Heard dukej rrezatuese ndërsa buzëqeshte dhe bisedonte me miqtë, kastin dhe anëtarët e ekipit nga thrilleri– i cili mbylli xhirimet disa muaj përpara se të fillonte gjyqi i saj në prill 2022.
Aktorja u fotografua e veshur me një bluzë dhe fund të bardhë dhe e kompletoi look-un e saj me një palë taka të zeza.
Heard pritet të ecë në tapetin e kuq për premierën e "In the Fire" të shtunën mbrëma së bashku me aktorin Eduardo Noriego dhe regjisorin e filmit, Conor Allyn.
Dalja e fundit e Heard vjen më shumë se një vit pasi humbi gjyqin duke dale fajtore për shpifje në një artikull të Washington Post të vitit 2018 ku akuzonte Depp për dhunë.
