Një shqiptar ka rënë në pranga e autoriteteve italiane pasi u kap me një kilogramë kokainë me vete. Shqiptari, që banonte në Perugia, u ndalua nga "Guardia di Finanzia" për trafik droge. I riu u ndalua fillimisht për një kontroll teksa ishte duke udhëtuar, kokaina iu gjet në motorin e makinës.
Përveç drogës, është sekuestruar një makinë, 490 euro dhe dy celularë, njëri prej të cilëve është i “enkriptuar”, pra i padëgjueshëm. Sipas hetuesve, droga e shitur me pakicë mund të jepte rreth njëqind mijë euro.
