Një aksident ka ndodhur këtë pasdite në Tiranë, ku një automjet dhe një motor Policie janë përplasur me njëri-tjetrin. Si pasojë janë plagosur dy efektivët e policisë, të cilët ndodhen jashtë rrezikut për jetën.
Njoftimi i policisë:
Më datë 26.06.2023, në kryqëzimin e rrugës “Medar Shtylla” dhe “Prokop Mima”, janë përplasur automjeti me drejtues shtetasin P. U., me motomjetin e Policisë me drejtues shtetasin A. Ll.
Nga përplasja janë dëmtuar dy punonjësit e Policisë, drejtuesi i motomjetit inspektor A. Ll., dhe pasagjeri që ndodhej me të, inspektor E. P., të cilët ndodhen jashtë rrezikut për jetën.
Grupi hetimor po punon për sqarimin e rrethanave të aksidentit.
