♦Evgueni Prigojine njoftoi se njerëzit e tij do "kthehen" në garnizonet e tyre për të parandaluar që të rrjedhë "gjak rus", pasi kishte nisur një grusht shteti të paprecedentë të premten në mbrëmje kundër Kremlinit. Sipas tij, ai po e bënte këtë për "çlirimin e popullit rus". Vendimi i tij erdhi pas negociatave me presidentin bjellorus Alexander Lukashenko, të cilin Vladimir Putin e falënderoi për "punën e bërë".
♦Një marrëveshje u arrit gjithashtu midis presidencës ruse dhe Yevgeny Prigojine, tha në mbrëmje zëdhënësi i Kremlinit Dmitry Peskov. Kështu kreu i Wagner do të niset për në Bjellorusi dhe procedimetpenale ndaj tij do të pushojnë. Sa për luftëtarët që e ndoqën nga pas, "askush nuk do t'i persekutojë (ata), duke pasur parasysh meritat e tyre në front" ukrainas, tha zoti Peskov.
Lexo me tej:
Kompromisi i Lukashenkos/ Zgjidhet kriza, Prigozhin arratiset drejt Bjellorusise
♦Trupat e Wagner ishin parë më pak se 400 km larg kryeqytetit pasi kishin pretenduar dukshëm pushtimin e selisë së ushtrisë ruse në Rostov (perëndim), qendra nevralgjike e operacioneve në Ukrainë. Në deklaratën e tij të fundit, udhëheqësi i grupit tha se ai u afrua gati 200 kilometra nga Moska.
♦Disa masa të jashtëzakonshme sigurie, të marra në Rusi për të penguar avancimin e Wagner-ave, kanë filluar të hiqen, veçanërisht në rajonin e Lipetsk, në jug të Moskës, ku kishin hyrë paraushtarakët. "Në të ardhmen e afërt, ne do të rihapim aksesin e rrugëve të zonës" tha guvernatori rajonal Igor Artamonov. Kryebashkiaku i Moskës u kishte bërë thirrje banorëve të kufizojnë udhëtimin në qytet, duke e përshkruar situatën si "të vështirë" dhe e shpalli të hënën ditë pushimi.
♦Për sa i përket Ukrainës, kjo ditë rebelimi "në asnjë mënyrë" nuk do të ndikojë në ofensivën ruse, pretendoi presidenca ruse. Ministri i Jashtëm rus premton se "të gjitha objektivat e operacionit special ushtarak [në Ukrainë] do të arrihen".
Wagner tradhton Putinin/ Rusia në prag të luftës civile
♦ Në konsultimet e nisura me nxitim, presidenti amerikan Joe Biden foli me telefon për situatën në Rusi me homologët e tij francezë Emmanuel Macron, gjermanin Olaf Scholz dhe britanikun Rishi Sunak, njoftoi Shtëpia e Bardhë. Të katër liderët "pohuan mbështetjen e tyre të palëkundur për Ukrainën", por nuk komentuan drejtpërdrejt rebelimin e armatosur të liderit të grupit paraushtarak Wagner, Yevgeny Prigozhin.
Pergatiti Lapsi.al, burimi : le Monde
