Të martën e ardhshme, më 27 qershor 2023 Frei Beleri do duhet të bëjë betimin si kryebashkiaku i ri i Himarës, por… ai mbetet ende në burg.
Kështu shkruan media greke, teksa shtojnë pyetjen: Nëse Prokuroria e Posaçme Kundër Korrupsionit dhe Krimit të Organizuar e Shqipërisë (SPAK) do ta lejojë Fredi Belerin të kryej betimin?
“Nëse kjo nuk ndodh, konsiderohet e sigurt se qeveria Rama ka zgjedhur të vazhdojë të mbajë ‘peng’ Belerin”, shkruan Protothema.
Avokatët e Belerit kanë bërë tashmë një kërkesë për një leje për qëllime të veçanta, në mënyrë që kryebashkiaku i Himarës të marrë pjesë në ceremoni, i shoqëruar nga forcat e policisë dhe më pas të kthehet në burg.
