Kandidati për kryetarin e PD-së, Gjergj Hani foli në lidhje me garën ku ai do konkurrojë me Lulzim Bashën.
Hani u shpreh se vendosi të kandidojë pasi PD “është në gjendje dëshpëruese”, ndërsa shtoi se nuk do mjaftonte vetëm këndvështrimi i Bashës për rindërtimin e partisë.
Në lidhje me kundërshtarin e tij, Hani u shpreh se Basha nuk ka shtruar një platformë të qartë për ndarjen nga e shkuara, ndërsa e cilësoi atë si një “social-demokrat” që është i prirur të bëjë marrëveshje për mbrojtjen e interesave.
“Vendosa të kandidoj pasi PD është në gjendje dëshpëruese. Nuk do mjaftonte vetëm këndvështrimi i Bashës për rindërtimin e partisë. Nga ai nuk shoh një platformë të qartë për ndarjen me të shkuarën. Prisja një qasje tjetër me demokratët.
Qëndrimi i Bashës më duket më shumë social-demokrat, që është i prirur të bëjë marrëveshje në përgjithësi për interesat”, u shpreh Hani ndër të tjera.
Kandidatura e Bashës me Gjergji Hanin, të kujton farsën e Edi Ramës në vitin 2009 me Maqo Lakrorin. Asokohe Rama për mbajtur PS-në sajoi një garë formale me Maqo Lakrorin. Aq sa tregohet si barsaletë që Maqo lëvizte në të njëjtën makinë me Ramën gjatë takimeve me socialistët nëpër Shqipëri. 14 vite më vonë kemi të njëjtën farsë elektorale në Partinë Demokratike. ©LAPSI.AL
