Menaxheri i një lokali në Tiranë është proceduar penalisht, pasi vendoste muzikë të lartë në lokal. Shërbimet e Komisariatit të Policisë nr. 3 kanë intensifikuar kontrollet, me qëllim zgjidhjen e shqetësimeve të banorëve, nga muzika e lartë në lokale. Gjatë kontrolleve, në një lokal në rrugën “Mine Peza”, policia ka konstatuar muzikë të lartë që përbënte shqetësim për banorët.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme, ku nisi procedimi në gjendje të lirë i menaxherit 23-vjeç nga Tirana për veprën penale “Prishja e qetësisë publike”. Gjithashtu janë sekuestruar pajisjet që gjeneronin muzikën.
