Abel "The Weeknd" Tesfaye ka reaguar sërish ndaj komenteve negative për serialin e tij të HBO, "The Idol". Këngëtari, i cili bashkëkrijoi shfaqjen me Reza Fahim dhe regjisorin e "Euphoria", Sam Levinson, pohoi se ai "e priste" reagimin e shikuesve.
“Ne po luajmë me zhanret në këtë shfaqje, po bëjmë pikërisht atë që donim të bënim”, tha ai për Variety në një intervistë të botuar të martën. “Dhe asnjë nga këto nuk është surprizë. Jam i emocionuar që të gjithë të shikojnë pjesën tjetër të shfaqjes.” Fituesi i Grammy-t luan përballë Lily-Rose Depp në dramën e diskutueshme rreth yllit të trazuar të pop-it Jocelyn, e cila përfshihet me Tedros, një pronar klubi nate.
Artisti shpjegoi se një nga qëllimet e tij për serialin ishte t'u jepte njerëzve një perspektivë të ndryshme për famën. “Është pothuajse edukative, se kjo është ajo që vjen me të qenit tepër i famshëm. Jeni të rrethuar nga njerëz që nuk jeni të sigurt se cilat janë qëllimet e tyre të vërteta, edhe nëse duket sikur janë të mirë. Thjesht nuk e dini kurrë”, tha ai për median. “Por sigurisht, kam qenë shumë me fat që kam rreth meje njerëz që i kam njohur pothuajse gjatë gjithë jetës sime, gjë që është e rëndësishme dhe është një dhuratë.”
Pas premierës së shfaqjes më 4 qershor, The Weeknd u kritikua për performancën e tij "komike të keqe". Ndërkohë, Variety i përshkroi aftësitë e tij të aktrimit si "inekzistente". “The Idol” është dëmtuar gjithashtu me akuza për “fantazi përdh*nimi” dhe është kritikuar për lakuriqësi të tepruar dhe skena grafike se*si./Lapsi.al
