Scott Disick thuhet se po ndihet sikur po humbet marrëdhënien me fëmijët e tij pas njoftimit të shtatzanisë së Kourtney Kardashian.
Kourtney dhe Scott, kanë tre fëmijë së bashku - Mason, 13, Penelope, 10 dhe Reign, 8 - por themeluesja e POOSH zbuloi së fundmi se ajo është në pritje të fëmijës së saj të katërt dhe të parin me bashkëshortin e ri Travis Barker. Lajmi thuhet se e ka nervozuar Scott, edhe pse ai po përpiqet të jetë i lumtur për Kourtney. Fansat menjëherë spekuluan për ndjenjat e tij rreth lajmit sapo u publikua, me disa që besonin se ai duhet të ishte shkatërruar.
Megjithatë, një burim i brendshëm ka zbuluar se është një moment "i hidhur" për të. Burimi i tha Life & Style Magazine: " Ai i dërgoi mesazh Kourtneyt për ta uruar atë, kështu që dëshiron që ajo të jetë e lumtur. Është thjesht e trishtë për Scott sepse ai ndjen se po humbet kontrollin mbi fëmijët e tij për shkak të familjes së re të Kourtney. " Ata vazhduan të thonin se ai ai "mendon se tre fëmijët e tij tani do të fokusohen edhe më shumë tek foshnja e re dhe për rrjedhojë tek njerku i tyre Travis".
Reagimi vjen pasi Kourtney harroi të uronte babain e fëmijëve të saj në ditën e babait. Kardashian postoi një foto familjare të saj me bashkëshortin e saj Travis Barker dhe familjen e tyre të përzier në rrjetet sociale. Ajo më pas publikoi një foto të babait të saj të ndjerë, Robert Kardashian Sr, por nuk kishte asnjë shenjë të një postimi të bërë për Disick./Lapsi.al
